پاک بحریہ کے جہاز پی این ایس حنین نے جدہ اسلامی بندرگاہ کا دورہ کیا۔

جدہ، 18 اگست، 2024۔ پاک بحریہ کے جہاز پی این ایس ‘حنین’ کے کمانڈر کیپٹن ہارون عزیز نے سعودی عرب میں پاکستان کے سفیر جناب احمد فاروق، میجر جنرل احمد بن علی الدبئیس، قائد المنتقہ الغربیہ (مغربی ریجن کمانڈر)، ریئر ایڈمرل منصور بن سعود الجیاد، قائد الاستول الغربیہ (مغربی بیڑے کے کمانڈر)، پاکستان کے قونصل جنرل جناب خالد مجید، قونصل خانہ کے دیگر افسران اور کمیونٹی کے اعزاز میں عشائیہ دیا۔جہاز میں مہمانوں کا خیرمقدم کرتے ہوئے کیپٹن ہارون عزیز نے سعودی عرب میں پاکستان کے سفیر جناب احمد فاروق، سعودی عسکری رہنماؤں اور پاکستان کے قونصل جنرل جناب خالد مجید کا شکریہ ادا کیا کہ ان کے پورے دورے کے دوران عملے کی بہترین مہمان نوازی کی گئی۔سعودی عرب میں پاکستان کے سفیر جناب احمد فاروق نے کہا کہ پی این ایس حنین کے دورہ سعودی عرب سے پاکستان اور سعودی عرب کے درمیان دوستی کے رشتے مزید مضبوط ہوں گے۔ انہوں نے کہا کہ پاکستان اور سعودی عرب کی شراکت داری پاکستان اور سعودی عرب کے درمیان دیرینہ، گہری دوستی کی بنیاد پر استوار ہے، جو حکومتوں سے بڑھ کر عوام سے عوام کے مضبوط روابط تک پھیلی ہوئی ہے۔سعودی فوجی اور بحری حکام کی بھی بڑی تعداد نے شرکت کی۔ پاکستانی کمیونٹی کے اراکین اور پیشہ ور افراد کو پاک بحریہ کے جہاز حنین کی مختلف صلاحیتوں اور پہلوؤں کے بارے میں آگاہ کیا گیا۔ پی این ایس حنین نے اپنا پہلا سفر رومانیہ سے شروع کیا، یہ ایک نیا کمیشنڈ جہاز ہے اور اسے باقاعدہ طور پر پاک بحریہ میں شامل کیا جائے گا۔کیک کاٹنے اور عشائیہ کے ساتھ تقریب کا اختتام ہوا۔

Event Gallery