جدہ میں قونصلیٹ جنرل آف پاکستان میں پاکستان کا 75 واں یوم آزادی شاندار طریقے سے منایا گیا۔

پریس ریلیز

جدہ 14 اگست 2022

قونصلیٹ جنرل آف پاکستان جدہ میں پاکستان کے 75 ویں یوم آزادی کی مناسبت سے پرچم کشائی کی تقریب کا اہتمام کیا گیا۔ قونصل جنرل جناب خالد مجید نے قومی ترانے کی گونج میں سبز ہلالی پرچم لہرایا ۔ تقریب میں پاکستانی کمیونٹی کے معززین نے شرکت کی اور پاکستان کے ساتھ اپنی یکجہتی کا اظہار کیا۔
قونصل جنرل جناب خالد مجید نے اپنے خطاب میں پاکستان کی تاریخ میں اس دن کی اہمیت پر روشنی ڈالی۔ انہوں نے کہا کہ پاکستان امن پسند ملک ہے اور علاقائی امن و استحکام کے لیے کام کرنے کے لیے پرعزم ہے۔ انہوں نے سعودی عرب کے ساتھ دوستانہ تعلقات کو مزید فروغ دینے کے لیے اپنی کوششیں جاری رکھنے کے پاکستان کے عزم کا اعادہ بھی کیا۔
قونصل جنرل نے مملکت میں پاکستانی کمیونٹی کو سہولت فراہم کرنے پر سعودی قیادت کا شکریہ ادا کیا۔ انہوں نے پاک سعودی تعلقات کو مضبوط بنانے میں بامعنی کردار ادا کرنے پر پاکستانی کمیونٹی کے تعاون کی بھی تعریف کی۔ نوجوان پاکستانی طلباء نے اس دن کی اہمیت کو اجاگر کرنے کے لیے تقاریر اور ٹیبلوز پیش کیے۔
تقریب کا اختتام پر کیک کاٹا گیا اور پاکستان، سعودی عرب اور کشمیری بھائیوں کی خوشحالی کے لیے خصوصی دعا کی گئی۔
**