جدہ میں قونصلیٹ جنرل آف پاکستان کے زیر اہتمام سعودی یوم تاسیس منایا گیا۔

جدہ میں قونصلیٹ جنرل آف پاکستان کے زیر اہتمام سعودی یوم تاسیس منایا گیا۔

قونصل جنرل آف پاکستان جناب خالد مجید نے پاکستان ہاؤس جدہ میں سعودی یوم تاسیس کی یاد میں ایک تقریب کی میزبانی کی۔
اس موقع پر مہمان خصوصی ۔ڈائریکٹر جنرل، وزارت خارجہ، مکہ مکرمہ ریجن جناب مازن حمد الحمالی تھے۔
دیگر نمایاں مہمانوں میں
. سلطان بن عبداللہ السعود، CEO، بوٹیک کمپنی، جدہ شہزادی جوہرہ، جناب عبدالخالق الزہرانی، ڈائریکٹر جنرل، وزارت اطلاعات، جدہ، . جناب سلطان الحارثی، ڈائریکٹر جنرل، سعودی پریس ایجنسی، جدہ، . جناب محمد آل صبیح، ڈائریکٹر جنرل، سعودی کلچر اینڈ آرٹس، جدہ اور جنرل (ر) محمد الجہینی شامل تھے۔ چیئرمین مکہ چیمبر آف کامرس،
تقریب میں اپنے خطاب کے دوران جناب خالد مجید نے سعودی عرب کی قیادت کو مبارکباد دی اور ملک کی مسلسل خوشحالی کے لیے اپنی یکجہتی اور حمایت کا اظہار کیا۔ انہوں نے گزشتہ برسوں میں مملکت کی کامیابیوں کی تعریف کی اور ترقی کے لیے سعودی قیادت کے عزم و استقلال کی تعریف کی۔ انہوں نے اس بات کو بھی اجاگر کیا کہ پاکستان سعودی عرب کا قریبی اتحادی ہے۔ دونوں ممالک کے درمیان دوستانہ تعلقات اور تعاون کی ایک طویل تاریخ ہے، جو وقت کے ساتھ مضبوط سے مضبوط تر ہوتا جا رہا ہے۔
تقریب کا باقاعدہ آغاز معروف پاکستانی قاری سید صداقت علی کی خوبصورت تلاوت سے ہوا جن کی محصور کن آواز نے وجد کی کیفیت طاری کردی۔

اس تقریب میں سفارت کاروں، پاکستانی کمیونٹی کے نمائندگان سعودی اور پاکستانی میڈیا کے نمائندوں سمیت بہت سے معززین نے شرکت کی۔ یوم تاسیس ہر سال 22 فروری کو منایا جاتا ہے اور یہ مملکت سعودی عرب کی گہری تاریخی، تہذیبی اور ثقافتی روایات کا عکاس ہے۔
جدہ
28 فروری 2023

Event Gallery