پریس ریلیز
*اے راہ حق کے شہیدو وفا کی تصویرو
تمہیں وطن کی ہوائیں سلام کہتی ہیں*
قونصلیٹ جنرل آف پاکستان جدہ میں یوم تکریم شہداء کی مناسبت سے تقریب
جدہ میں پاکستان کے قونصلیٹ جنرل نے پاکستان کے دفاع کے لیے اپنی جانوں کا نذرانہ پیش کرنے والے قوم کے شہداء کو خراج عقیدت پیش کرنے کے لیے یوم تکریم شہداء پاکستان کی مناسبت سے سادہ اور پر وقار تقریب کا اہتمام کیا جس میں پاک فوج، رینجرز، فرنٹیئر کور، فرنٹیئر کانسٹیبلری، پولیس اور دیگر قانون نافذ کرنے والے اداروں کے ہیروز کی غیر متزلزل لگن اور عزم و استقلال کے جذبے کو بہترین الفاظ میں سراہا گیا۔ قونصل جنرل جناب خالد مجید نے قوم کے ان سپوتوں کو سلام پیش کرتے ہوئے کہا کہ ان بہادر جانوں کی قربانیاں لازوال ہیں اور پاکستان کے دشمنوں کے بدنیتی پر مبنی منفی پروپیگنڈے سے قطع نظر یہ عظیم ہستیاں آنے والی نسلوں کو ہمیشہ متاثر کرتی رہیں گی۔
تقریب کے کلیدی مقررین میں پاکستانی پروفیشنلز کی جانب سے ڈاکٹر منصور میمن ، کشمیر کمیٹی کے چیئرمین مسعود پوری اور پاکستانی میڈیا کی نمائندگی کرنے والے جمیل راٹھور شامل تھے۔ جنہوں نے شہداء حق کو زبردست خراج عقیدت پیش کیا اور قوم کی حفاظت میں ان کے اہم کردار کو اجاگر کیا۔ تقریب میں پاکستانی کمیونٹی کے مختلف شعبہ ہائے زندگی سے تعلق رکھنے والے افراد نے بھرپور شرکت کی۔
یوم تکریم شہداء پاکستان کی مناسبت سے ہونے والی تقاریب قوم کے عظیم ہیروز کی بے لوث خدمات کے اعتراف کے ساتھ ساتھ ان کی یادوں کو زندہ رکھتی ہیں۔
جدہ
29 مئی
جدہ- قونصل جنرل آف پاکستان جناب خالد مجید نے ایف پی سی سی آئی کے وفد کے ساتھ ملاقات ۔ قونصل جنرل جناب خالد مجید نے فیڈریشن آف پاکستان چیمبرز آف کامرس اینڈ انڈسٹری کے وفد کا خیرمقدم کیا، جس کی قیادت جناب ملک سہیل حسین، چیئرمین کوآرڈینیشن کر رہے تھے۔ ملاقات میں ہونے والی […]
جدہ- قونصل جنرل آف پاکستان جناب خالد مجید پاکستانی طلباء کے ساتھ روبرو ہوے۔ قونصل جنرل آف پاکستان جناب خالد مجید مکہ مکرمہ کی ام القریٰ یونیورسٹی میں زیر تعلیم پاکستانی طلباء کے ساتھ روبرو ہوے۔۔ ملاقات میں سعودی عرب میں تعلیم حاصل کرنے والے طلباء کو سعودی عرب کی طرف سے فراہم کردہ اسکالرشپ […]
قونصلیٹ جنرل آف پاکستان نے 27 اکتوبر کو پاکستان قونصلیٹ جدہ میں یوم سیاہ کشمیر کے طور پر منانے کے لیے ایک تقریب کا اہتمام کیا۔ تقریب میں پاکستانی/کشمیری کمیونٹی کے سرکردہ افراد نے شرکت کی۔ تقریب کا آغاز صدر، وزیر اعظم اور پاکستان کے وزیر خارجہ کے خصوصی پیغامات پڑھ کر ہوا۔ او آئی سی […]
