قونصلیٹ جنرل پاکستان جدہ میں یوم استحصال کشمیرڈے کی تقریب

جدہ

6-Aug-2022

قونصلیٹ جنرل پاکستان جدہ میں تیسرے یوم استحصال کشمیرڈے کے موقع پرایک پر وقارتقریب منعقد ہوئی، جس کی صدارت قونصل جنرل خالد مجید نے کی۔

قونصل جنرل نے کہا کہ تقریب کا مقصد کشمیری بھائیوں سے اظہار یکجہتی ہے، کشمیر ہماری شہ رگ ہے اور ہم اپنے خون کے آخری قطرے تک کشمیرکی آزادی کے لیے لڑتے رہیں گے،ہم ہر سطح پر بھارتی جارحیت کے خلاف احتجاج کریں گے، جس میں 5 اگست 2019ء کے بعد غیر قانونی طور پر مقبوضہ جموں و کشمیر کی حیثیت کو ختم کیا۔تقریب میں تمام طبقہ فکر اوراہم شخصیات نے شرکت کی۔

تقریب میں صدر، وزیر اعظم اور وزیر خارجہ کے خصوصی پیغامات پڑھے گئے۔دیگر مقررین میں او آئی سی میں پاکستان کے مستقل نمائندے رضوان سعید شیخ، کشمیر کمیٹی کے چیئرمین مسعود احمد اورچودھری خورشید احمد بھی شامل تھے۔ مقررین نے کشمیری عوام کی حق خودارادیت کی منصفانہ جدوجہد میں اخلاقی، سیاسی اور سفارتی حمایت کا اعادہ کیا۔