پاکستان قونصلیٹ جدہ زیر اہتمام انویسٹمنٹ پروموشن سیمینار کا انعقاد

جدہ

پریس ریلیز

اکتوبر 9 ، 2021

قونصلیٹ جنرل آف پاکستان جدہ نے ہفتہ کوایک مقامی ہوٹل میں سرمایہ کاری کے فروغ کے سیمینار کا اہتمام کیا۔سمینارمیں 42 ممتاز سعودی تاجروں اور سرمایہ کاروں نے شرکت کی جن میں چیئرمین مکہ چیمبرز آف کامرس خلف بن حوسان العتیبی ، شیخ ماذن ایم بترجی ، شیخ زیاد بسام ، وائس چیئرمین جدہ چیمبرز آف کامرس ہشام بن محمد اے کاکی ، عبداللہ الدرویش ، شیخ عبدالقادر باشن ، اور جنرل (ر) مصطفیٰ الجہانیاور دیگر نے شرکت کی۔

سفیر لیفٹیننٹ جنرل (ر) بلال اکبر نے پاکستان کی معیشت کی مضبوطی اور کلیدی عوامل کے بارے میں بریفنگ دی جو اسے سرمایہ کاری کے لیے پرکشش مقام بناتے ہیں۔ انہوں نے فوڈ سیفٹی ، تعمیرات بشمول نیا پاکستان ہاؤسنگ سکیم ، زراعت اور کارپوریٹ فارمنگ ، کھیلوں اور جراحی کے سامان کی تیاری ، اور راوی اربن ڈویلپمنٹ پروجیکٹ سمیت رئیل اسٹیٹ ڈویلپمنٹ کے شعبوں میں سرمایہ کاری کے وسیع امکانات کی تفصلات آگاہ کیا۔ پاکستان اور سعودی عرب کے درمیان قریبی اسٹریٹجک ، تجارتی اور معاشی روابط پر روشنی ڈالتے ہوئے سفیر پاکستان نے سعودی سرمایہ کاروں کی حوصلہ افزائی کی کہ وہ پاکستان میں درج بالا شعبوں میں بے پناہ دستیاب مواقع سے فائدہ اٹھائیں۔

انہوں نے سعودی سفارت کاروں کو سفارت خانہ پاکستان اور قونصلیٹ جنرل کے مکمل تعاون اور تعاون کے ساتھ ساتھ ہر ممکن سہولت کی یقین دہانی کرائی۔شرکاء نے اس سیشن کو انتہائی مفید اور معلوماتی بات چیت قرار دیا اور باہمی فائدے کے لیے پاکستان میں سرمایہ کاری کے منافع بخش مواقع سے فائدہ اٹھانے میں گہری دلچسپی ظاہر کی۔یہ سیمینار مملکت میں پاکستانی مشنز کی جانب سے دو برادر ممالک کے درمیان دوطرفہ تجارت اور سرمایہ کاری کو فروغ دینے کے سلسلے میں اس طرح کے اقدامات کا ایک حصہ تھا۔