فوجی فاؤنڈیشن اوورسیز ایمپلائمنٹ سروسز نے سعودی کمپنیوں سے پاکستانی افرادی قوت کو سعودی عرب بھیجنے کے لیے بات چیت کی۔

قونصلیٹ جنرل آف پاکستان

پریس ریلیز

جدہ: 19 مئی 2024

فوجی فاؤنڈیشن اوورسیز ایمپلائمنٹ سروسز FFOES)) کے ایک وفد نے مملکت سعودی عرب کا دورہ کیا جس کا مقصد پاکستان سے مملکت سعودی عرب کو افرادی قوت کی برآمد کو بڑھانا ہے۔ قونصلیٹ جنرل آف پاکستان ، جدہ نے سعودی ہیومن ریسورس مینجمنٹ کمپنیوں اور ایگزیکٹوز کے ساتھ ایک میٹنگ کا اہتمام کیا تاکہ KSA میں متوقع آجروں کو فوجی فاؤنڈیشن اوورسیز ایمپلائمنٹ سروسز کے تنظیمی ڈھانچے اور افرادی قوت سے متعلق خدمات پیش کی جائیں۔

اس سیشن کی صدارت قونصل جنرل نے کی اور مختلف سعودی کمپنیوں کے شرکاء نے FFOES کی جانب سے پیش کردہ پیشکش اور خدمات میں گہری دلچسپی ظاہر کی۔ شرکاء نے پاکستان کی افرادی قوت سے متعلق اپنے تجربات شیئر کیے اور سعودی مارکیٹ میں مزید مسابقت کے لیے پاکستان سے افرادی قوت کے معیار کو بہتر بنانے کے لیے خیالات کا تبادلہ کیا۔

دورہ کرنے والے وفد نے شرکاء کو پاکستان سے ہنر مند اور اعلیٰ معیار کی افرادی قوت کی بلا تعطل بھرتی کو یقینی بنانے کے لیے ان کی صلاحیت، ادارہ جاتی فریم ورک اور خدمات کے بارے میں آگاہ کیا۔

قونصل جنرل نے FFOES کی پیشہ ورانہ مہارت اور عزم کو سراہا اور سعودی مارکیٹ میں کاروباری تلاش کے لیے اپنے مکمل تعاون کا یقین دلایا۔ انہوں نے KSA میں پاکستانی افرادی قوت کی اہمیت پر زور دیا اور کہا کہ وقت کی اہم ضرورت KSA میں معیاری افرادی قوت بھیجنا ہے جس سے دونوں ممالک کے درمیان اقتصادی اور دو طرفہ تعلقات کو مضبوط بنانے میں بھی مدد ملے گی۔

شرکاء نے پاکستانی افرادی قوت کے لیے روزگار کے مواقع بڑھانے کے لیے اپنا اپنا کردار ادا کرنے اور ایک دوسرے کی مدد کرنے کا عزم ظاہرکیا۔