ڈاکٹر نعیم خالد چودھری کی وفات پر قونصل جنرل خالد مجید کا تعزیتی پیغام

مجھے الحرا ہسپتال مکہ المکرمہ میں کام کرنے والے پاکستان کے مایہ ناز ڈاکٹر نعیم خالد چودھری کے انتقال پر نہایت دکھ اور غم ہے۔

اللہ پاک مرحوم کو جنت الفردوس کے اعلیٰ درجات نصیب فرماۓ۔ وہ ایک شہید کا درجہ رکھتے ہیں جنہوں نے ان مشکل حالات میں بھی خدمت خلق جاری رکھی اور بیمار افراد کا علاج کرتے ہوئے جام شہادت نوش فرمایا. سعودی عرب میں پاکستانی برادری بالخصوص مغربی ریجن کے لوگ ایک ہمدرد اور بے لوث شخصیت سے محروم ہو گئے ہیں۔

ان غم کے لمحات میں ڈاکٹر صاحب کے خاندان کے ساتھ تعزیت کا اظہار کرتا ہوں۔ اوردکھ کےان لمحات میں انکے خاندان کے ليے دعا گو ہوں کہ اس ناقابل تلافی نقصان پر اللہ تعالیٰ انہیں صبر عطا فرمائے۔

میں ان کے خاندان اوران کے بچوں کے لئے بھی دعا گو ہوں جو اس وقت علاج اور تنہائی کے مراحل سے گزر رہے ہیں کہ اللہ سبحان و تعالی انکو شفاء کاملہ عطا فرمائے۔ آمین

03 جون 2020