سیاحتی تجارت کے مواقع

شمال میں قراقرم سے لے کر جنوب میں دریائے سندھ کے وسیع ڈیلٹا تک پاکستان فطرت کی خوبصورتی اور مہم جوئی کے لئے موزوں سرزمین ہے۔ ٹریکنگ ، کوہ پیمائي ، سفید پانی رافٹنگ ، جنگلی سؤر کا شکار ، پہاڑ اور صحرا کی جیپ سفاریاں ، اونٹ اور یاک سفاریاں ، ٹراؤٹ فشینگ اور پرندوں کے نظارے ،ایسی چند سرگرمیاں ہیں جو پاکستان میں مہم جوئی اور فطرت سے محبت کرنے والوں کو اپنی طرف راغب کرتی ہیں۔

پاکستان مختلف اقسام کی نباتات اور حیوانات سے مالا مال ہے۔ بلند و بالا ہمالیہ ، قراقرم اور ہندوکش اپنے الپائن گھاس اور مستقل برفانی پٹیوں کے ساتھ ، پہاڑیوں کے دامن میں موجود گھنے جنگلات ، وسیع و عریض صحرا ، ساحلی پٹیاں اورنم زمینیں ایک خاص قسم کے تنوع کو پیش کرتے ہیں جس میں سبزے اور جنگلی حیات کی بہتات ہے، جس میں مقامی اور موسمی عناصر اور ایوی فونا بھی شامل ہیں۔ پاکستان میں 18 میں سے دس ممالیہ جانوروں کی نسلیں موجود ہیں جن میں دنیا کے سب سے چھوٹے ممالیہ جانور ، بحیرہ روم کے پگمی شیو سے لے کر اب تک کے سب سے بڑا ممالیہ جانور بلیو وہیل شامل ہیں۔