جدہ قونصلیٹ نے میڈیکل کیمپ کے ڈاکٹروں اور رضاکاروں کو اعزازی اسناد سے نوازا۔

پریس ریلیز

قونصلیٹ جنرل آف پاکستان جدہ نے 2005 سے قونصل خانے کے زیراہتمام چلنے والے میڈیکل کیمپ کے ڈاکٹروں اور رضاکاروں کے اعزاز میں ایک خصوصی تقریب کا انعقاد کیا گیا جس میں ان کو تعریفی اسناد سے نوازا گیا۔

یہ کیمپ پاکستانی کمیونٹی کے ضرورت مند افراد کو پندرہ سال سے مفت طبی خدمات فراہم کر رہا ہے۔ قونصل جنرل خالد مجید نے اس نیک مقصد کے لیے اپنا وقت اور کوششیں وقف کرنے والوں میں تعریفی اسناد تقسیم کیں۔ قونصل جنرل خالد مجید نے اپنے خطاب میں میڈیکل کیمپ میں شامل تمام افراد کی بے لوث خدمات کو سراہا۔

اس اقدام کا مقصد ان رضاکار ڈاکٹروں، پیرا میڈیکل اسٹاف اور پاکستان ویلفیئر سوسائٹی کے منتظمین کو خراج تحسین پیش کرنا ہے جو ضرورت مند لوگوں کو صحت کی دیکھ بھال کی خدمات فراہم کرنے میں سرگرم عمل ہیں۔
تقریب میں پاکستانی کمیونٹی کے سرکردہ افراد نے بھی شرکت کی۔

جدہ
10 فروری 2023