پاکستان ہاؤس جدہ میں جشن ازادی کی مناسبت سے پاکستانی کمیونٹی کے لیے ایک رنگا رنگ تقریب

پاکستان ہاؤس جدہ میں جشن ازادی کی مناسبت سے پاکستانی کمیونٹی کے لیے ایک رنگا رنگ تقریب

جدہ 14 اگست 2023

پاکستان ہاؤس جدہ میں جشن ازادی کی مناسبت سے پاکستانی کمیونٹی کے لیے ایک رنگا رنگ تقریب کا اہتمام کیا گیا ۔

قونصل جنرل، خالد مجید، کی جانب سے جدہ میں سر گرم عمل مختلف سیاسی و سماجی فورمز کے عہدے داران کی پاکستانی کمیونٹی اور پاک سعودی دوستی کو فروغ دینے کی مناسبت سے خدمات کو سراہتے ہوئے تعریفی اسناد پیش کی گئیں ۔

اس موقع پر پاکستانی گلو کاروں نے اپنے فن کا جادو جگایا اور تقریب کی رونق کو چار چاند لگا دیے۔ ان گلوکاروں میں فرحان تبسم، جو کہ پاکستان سے خصوصی طور پہ قونصلیٹ جنرل آف پاکستان جدہ کے زیر اہتمام تقاریب میں شرکت کرنے کے لیے ائے ہیں، اور سعودی عرب میں مقیم پاکستانی نژاد نعیم سندھی شامل ہیں۔

اپنے خطاب میں ،قونصل جنرل نے باہمی اتحاد اور یگانگت کی اہمیت پر زور دیتے ہوئے کہا کہ متحد ہو کر ہی ہم کامیابی کی منزل پر پہنچ سکتے ہیں۔ انہوں نے مقبوضہ کشمیر میں بسنے والے نہتے اور مظلوم مسلمان بہن بھائیوں سے اظہار یکجہتی بھی کیا جو ہندوستان کے ریاستی جبر اور نا انصافی کا شکار ہیں ۔ علاوہ عظیم قونصل جنرل نے سعودی حکومت کا بھی شکریہ ادا کیا جو ہر موقع پر پاکستان کے شانہ بشانہ کھڑی رہتی ہے۔

تقریب میں کمیونٹی کے علاوہ پاکستانی اور سعودی میڈیا کے نمائندگان نے بھی بھرپور شرکت کی۔

تقریب کے اختتام پر دعائے خیر کی گئی اور کیک کاٹا گیا۔

Event Gallery