پاکستان ہاؤس جدہ میں پاکستانی کمیونٹی کے لیے ایک شاندار تقریب۔

پاکستان قونصل جنرل خالد مجید کی رہائش گاہ پر کمیونٹی کا شاندار پروگرام منعقد کیا گیا ، اس موقع پر پاکستانی کمیونٹی کے بہبود کے لیے کاوشیں کرنے والے تمام فورمزکے عہدیداروں کو مدعو کیا گیا اور ان کی کارکردگی کو سراہتے ہوئے انہیں تعریفی اسناد سے نوازا گیا۔ تقریب میں کمیونٹی کی کثیر تعداد نے شرکت کی، پاکستان سے خصوصی طور پر ائے گلو کار فرحان تبسم اور جدہ میں مقیم پاکستانی گلوکار نعیم سندھی نے اپنی اواز کا جادو جگایا اور محفل کو چار چاند لگا دیے۔ قونصل جنرل خالد مجید نے اپنے خطاب میں تمام فورمز کی حوصلہ افزائی کی اور اس بات پر زور دیا کہ اتحاد اور یگانگت سے ہی ہم اپنی منزل کو پا سکتے ہیں علاوہ ازیں انہوں نے ہمیشہ پاکستان کا بھرپور ساتھ دینے پر سعودی حکومت کا بھی شکریہ ادا کیا۔

جدہ 14 اگست 2023